Leef vir die Ewigheid: 366 Grootdruk-Dagstukke (Hardeband)

Is jy bang om dood te gaan? Weet jy waarheen jy gaan wanneer jy sterf? Vrae oor die dood spook die een of ander tyd by elke mens.

Met Leef vir die ewigheid: 366 Grootdruk-dagstukke gee Angus Buchan vir elke gelowige gemoedsrus wanneer hy verduidelik wat dit beteken om verlos te wees en verseker te wees van ’n ewige tuiste in die hemel. Die 366 bemoedigende dagstukke sal jou die krag en geloof gee wat nodig is om voluit te lewe sonder om die dood te vrees. Soos Angus sê: “Jy kan ’n Christen nie bangmaak met die dood nie, want die dood beteken hemel.” En die hemel beteken om vir altyd by ons Here en Verlosser te wees.

• Angus Buchan is ’n gewilde skrywer en evangelis.
• 366 oordenkings oor die hemel en hoe om nou reeds te lewe met die ewigheid in gedagte.
• Hardeband met merklint.
• Ook beskikbaar in Engels onder die titel Living for Eternity.